Bricolabs Wiki

Esta páxina é só de lectura. Podes ver o código fonte, mais non podes mudala. Coméntallo ao teu administrador se consideras que é un erro.
====== Group Randomizer ======

Este é un proxecto para crear un selector aleatorio de alumnado por grupo. Isto quere dicir, é un trebello que nos dá de cada vez un alumno/a ao chou dentro dun grupo. O que se pretende, desde o punto de vista pedagóxico, é maximizar a implicación do alumnado e mellorar o coñecemento que o docente ten do nivel de adquisición de contidos do alumnado. Nas preguntas de clase, no canto de pedir voluntarios ou seleccionar intencionalmente ao alumno/a que respostará, será o randomizador o que determine a persoa que terá que contestar. Eu o emprego nas actividades de //retrieval//, é dicir, preguntas máis ou menos rápidas sobre o contido anteriormente traballado que me sirven para facerme unha idea xeral de se o que fixemos quedou na cabeza dos rapaces ou non. Proxecto pregunta na pantalla, damos un breve tempo para pensar, activamos o randomizador e a persoa que sae contesta (se sabe). Logo proxectamos outra pregunta e repetimos, o alumno/a que contestou axita e pasa o trebello ao seguinte. Diría que ter que levantarse e pasarse o obxecto físico os activa e os distende un chisco, sen ser demasiado disruptor resulta entretido para eles. Se queres afondar, este é un[[https://improvingteaching.co.uk/2014/05/17/why-do-i-rely-on-lollipop-sticks/|artigo interesante]] cuxa lectura recomendo encarecidamente se queres unha mellor e máis fundada explicación de todo isto.

Tecnicamente, emprega un [[https://shop.m5stack.com/products/m5stickc-plus-esp32-pico-mini-iot-development-kit?variant=35275856609444|M5 Stick C Plus]], que está tremendamente infrautilizado como microcontrolador, pero o tiña a man e se adapta moi ben a isto, xa que ten unha pantalliña moi chachi, tamaño pequeno e batería. Se liches o [[http://improvingteaching.co.uk/2014/05/17/why-do-i-rely-on-lollipop-sticks/|artigo de máis arriba]], xa viches que isto mesmo se pode facer con métodos menos //overkill //e, seguramente, máis axeitados, pero é o que temos os profes de tecnoloxía…

{{https://bricolabs.cc/wiki/_media/gl/proyectos/grouprandomizer.png?nolink&404x334|group randomizer}}

É un proxecto sinxelo que só precisa ter o dispositivo, instalar as placas e librarías correspondentes e [[https://github.com/procastino/grouprandomizer|subir o código]], que creo que está comentado abondo. Unicamente hai que modificar os grupos aos que se lles da clase, o nome do alumnado en cada un e os "límites" entre un e outro grupo. Presionando o botón grande do M5 cámbiase dun grupo ao seguinte, axitándoo no eixo Z danos o nome do seguinte alumno/a. Cun [[http://youtube.com/watch?v=ZuVJncFVOqw|vídeo de 31 segundos]] chega ben para entendelo :)
Bricolabs Wiki

Ferramentas de usuario

Ferramentas do sitio

Ferramentas de páxina
