Durante os talleres de montaxe da placa ESCORNABOT-HFD puidemos comprobar que para moitos alumnos de ESO e de Bacharelato esta era a primeira ocasión na que facían soldadura electrónica, e que quizá o escornabot non sexa a mellor opción como kit de iniciación pola súa complexidade.

Con tal motivo desenvolvimos un pequeno kit de iniciación, sinxelo e de baixo custo, para poder facer e ensaiar unas cantas soldaduras antes de empezar cun proxecto máis complexo. Para empezar a soldar pensamos que é moi útil ter a man a unha guía como esta

Grazas ao convenio AGUSL entre a Xunta de Galicia a través da AMTEGA e diversas asociacións e grupos de usuarios de software libre en Bricolabs puidemos cubrir os gastos asociados ao desenvolvemento e probas do proxecto e unha pequena tirada de kits.

O circuíto da bricobadge é simple. Ten só 8 compoñentes electrónicos e unha pila CR2032. Na escuridade acende un par de LED, e cando hai luz apágase e ten un consumo moi contido. A placa de circuíto impreso está realizada con Kicad, unha ferramenta libre e de código aberto con licencia GNU GPL v3.

• Na escuridade, a resistencia da LDR ( R4) é moi alta, a tensión na base do transistor é maior de 0,6 V, o transistor conduce e o dous LED acenden.
• Cando incide luz sobre a LDR ( R4) a súa resistencia baixa, o transistor deixa de estar polarizado e os LED apáganse.
• Cambiando o valor de R3 cambia a sensibilidade do circuíto. Tamén afecta o valor da resistencia LDR ( R4).
• No circuíto pódense usar LED de calquera cor, iguais ou distintos. No noso obradoiro usamos LED RGB con cambio de cor automática que engaden efectos interesantes de cor

R1: 22K 1/4W (vermello, vermello, laranxa)
R2: 220 1/4W (vermello, vermello, laranxa)
R3: 220 1/4W (vermello, vermello, negro)
R4: Resistencia LDR
Q1: 
D1: Diodo LED 5mm ø, calquera cor ou con cambio de cor automática
D2: Diodo LED 5mm ø, calquera cor ou con cambio de cor automática
BT1: Pila CR2032 con portapilas

Procura verificar cada paso dúas veces antes de soldar. Soldar é fácil, pero corrixir os erros moitas veces é truculento, difícil e aburrido.

Empezamos polas resistencias R1 a R4. Dobra os terminais moi preto do corpo da resistencia e introdúceos a través dos buracos correspondentes. Se abres lixeiramente as patas de cada compoñente non caerá ao darlle vólta á placa.

Suelda unha pata de cada compoñente. Presiona o soldador quente cun pouco de forza sobre a placa e o terminal do compoñente para asegurar unha boa transferencia de calor. Aplica suficiente estaño para que o terminal quede unido ao buraco. Se pos demasiado estaño pode saír pola parte de abaixo da placa (non é bo). Se aplicas pouco poderás ver a través do buraco. Se a soldadura non queda brillante posiblemente é debido a que é unha “soldadura fría” e pode non facer bo contacto. Aplica de novo o soldador uns segundos pero non engadas máis estaño.

Comproba que as resistencias quedan pegadas á placa. En caso contrario quenta o terminal e corrixe a posición con coidado de non queimarche. Cando todos estean o seu sitio suelda o outro terminal de cada compoñente.

Corta os terminais por abaixo da placa o máis a nivel posible (isto é necesario para que logo a pila encaixe ben no seu sitio).

Introduce o transistor seguindo o debuxo da placa. Suelda un terminal, comproba e no seu caso corrixe a posición e suelda os outros terminais.

Introduce os dous LED seguindo o debuxo da placa. En caso de dúbida, o terminal curto (o cátodo) quedan na parte de arriba cando podes ler a palabra Bricolabs. Suelda un terminal. Comproba e corrixe a posición e suelda o outro terminal. Curta a nivel os terminais do transistor e os dos LED

O portapilas entra pola parte de abaixo da placa e se suelda na parte superior. Fíxache na silueta debuxada para inserilo na posición correcta. Como xa levas unhas cantas, poderás facer unhas boas soldaduras nos terminais do portapilas pola parte superior. Non é necesario que cortes o que sobra dos terminais.

Con isto queda completa a montaxe. Ao colocar a pila no portapilas o circuíto empeza a funcionar. Na escuridade deberían acenderse os LED, e con luz intensa deberían apagarse. Podes comprobar con canta luz apágase, e se afecta o tipo de luz: solar, unha lámpada, un farol, unha luminaria LED,…

a

a

a